Na última das conferencias que a Fundación Colexio Nª Sª da Antiga programou con motivo da celebración dos 400 anos do retablo maior, obra de Francisco de Moure, a Dra. Ana Diéguez apuntou unha intuición, que é de sumo interese, para os estudosos do noso retablo maior e da Figura de Moure.
A cuestión está no banco do retablo, onde se poden ver tallados en nogueira os catro evanxelistas e as catro virtudes teologales.
O evanxelista san Mateo normalmente vén acompañado por un anxo, a maioría das veces, ou pola figura dun home, de forma menos habitual. No caso do noso retablo atopamos a San Mateo acompañado por un home, situado detrás e en claro diálogo co evanxelista. Este home sen barba, con media melena, bigotes de punta volta, semellante ao estilo que hoxe denominamos imperial. Viste cunha camisola ampla de pas anchas e puntas redondeadas. O estilo de vestimenta e aderezo de melena e bigotes sitúannos #ante un home do S XVII.
A pregunta é: podemos estar #ante un autorretrato de Moure?. Entre os artistas da época non era estraño que se representasen a si mesmos nas súas obras. Por tanto, poderiamos responder que posiblemente así é. Haberá que estudar este detalle con máis detemento e soñar coa posibilidade de que D. Francisco de Moure regalásenos unha “fotografía súa do primeiro terzo do S. XVII.
Evanxelista San Mateo co posible autorretrato de Francisco de Moure