Libro homenaxe ao P. Esteban Martínez, escolapio que entregou a súa vida á educación e evangelización dos nenos en Monforte de Lemos. Libro que recolle recordos, impresións, biografía, artigos… de varios autores, recompilados por D. Abel Veiga con motivo do agradecemento, homenaxe e recordo que se realizou en 2016 promovido polos seus antigos discípulos.
Estes días apareceu en prensa a noticia da consideración en orzamentos por parte da Xunta de Galicia da intervención sobre a cúpula do Real Colexio PP. Escolapios de Monforte. Esta vez, o convenio coa Xunta asinouse polo titular do colexio P. Javier Agudo como representante dos PP. Escolapios en Monforte. Desde a FCNSdlA agradecemos á Xunta este novo investimento que de novo fai visible o seu coidado polo patrimonio artístico e cultural, recalcando a importancia deste edificio no conxunto da Ribeira Sacra que de novo opta a ser recoñecida Patrimonio da Humanidade.
A FCNSdlA ponse ao servizo deste interesante proxecto achegando o seu gran de area, arquitectónico, artístico e cultural. Agradecendo ademais a sensibilidade da Consellería de Cultura.
