Estes días, preparando xa o novo curso para que en setembro estea todo preparado para recibir aos alumnos, terminouse de preparar a nova aula de música cuxo mobiliario foi doado pola Fundación Colexio Nª Sª da Antiga. A FCNDdlA colaborou durante o curso co colexio na mellora das súas instalacións e no apoio a alumnos con necesidades varias.
Unhas fotos ensínannos o ben que quedou esta aula que xa espera con impaciencia os seus novos alumnos.
JAG
Estes días da semana pasada, máis de 300 mozos, alumnos e alumnas dos colexios de escolapios e escolapias iniciaron o seu “Camiño de Santiago” en Monforte de Lemos, nas instalacións do Real Colexio PP. Escolapios. Tratouse de dúas quendas diferentes, a primeira, durmiron no polideportivo a noite do 3 ao 4 de xullo, a segunda a noite do 6 ao 7.
Debidamente acompañados polos seus monitores estes trescentos alumnos iniciaron a súa experiencia de verán co obxectivo de facer da súa viaxe unha auténtica peregrinación, coñecer novos compañeiros doutros colexios e medirse a si mesmos nesta experiencia que nalgúns momentos pode resultar dura. A todos selóuselles a súa credencial co selo que para o efecto se ten no noso centro
Cunhas fotos ilustramos o devandito para que quede constancia da noticia
