No marco institucional dunha visita do Duque de Alba, promovida polo Concello de Monforte de Lemos, Don Carlos Fitz-James Stuart visitou Monforte. Don Carlos, á súa vez, ostenta o título de Conde de Lemos e por este título, é patrón da Fundación Colexio Nª Sª da Antiga, segundo os estatutos da mesma, desde 1593.
Don Carlos acompañado do alcalde de Monforte de Lemos, D. José Tomé Roca e membros da corporación municipal virou unha visita á zona monumental do Real Colexio dos PP. Escolapios acompañado polo P. Javier Agudo, Director-Xerente da Fundación, Dª Estefanía López, actual directora do colexio, Don Jorge Valcárcel, xerente do colexio, Pablo Blanco exdirector do colexio e outros membros do centro educativo.
Don Carlos asinou no Libro de Firmas do Colexio e o P. Javier Agudo, en recordo e cumprimento dunha das condicións fixadas polo Cardeal Rodrigo de Castro, entregou ao Sr. Conde de Lemos unha vela de cera, de polo menos tres libras e coas armas do Cardeal.
