En efecto, nos traballos previos de preparación para a restauración das capelas laterais, descubriuse tras a predela da capela do Santo Cristo de Cioli outra predela, probablemente a orixinal decorada cun magnífico floreado. Esperemos que tras a restauración poida verse a orixinal, debidamente protexida e restaurada.
RESTAURACIÓN DAS CAPELAS LATERAIS
O luns 3 de outubro comezou a restauración das capelas laterais e o púlpito, tarefa que aborda a Dirección Xeral de Patrimonio de Galicia. Esta tarefa tan necesaria executaraa a empresa CREA que abordará a restauración e limpeza do púlpito, e as capelas da Adoración, San Francisco, Virxe das Dores e San José. Terá para a súa realización un tempo estimado de dous meses e medio.
Outra empresa abordará a restauración da capela do Cristo de Cioli. Contamos con que as molestias sexan mínimas e que pronto podamos gozar coa visión do conxunto das capelas restaurado e en perfecto estado de conservación.