Mes: Decembro 2021

Estes días está a procederse a restaurar o retablo lateral esquerdo da igrexa que actualmente está dedicado á Virxe das Escolas Pías. O estado da estrutura está bastante mellor do que cabería esperar, non así as  policromías e os dourados. Unha curiosidade das que sorprenden e fálanos da calidade do  tallista, estriba na inclusión de pequenos animais nos ornamentos vexetais, por exemplo carafio,  pajaritos, etc. Actualmente estanse consolidando as  policromías antes de pasar a unha reintegración das partes deterioradas ou perdidas.

Ofrecemos un par de detalles dos animalitos incluídos nos ornamentos vexetais

• 

• 

• 

• 

O conselleiro de Cultura, Román Rodríguez, visitou hoxe as obras da igrexa do Colexio da Compañía de Monforte. A parte das obras correspondente ao interior da Iglesia, na bóveda do presbiterio terminaron a finais de novembro. A igrexa de  Nª  Sª da Antiga xa está aberta e en uso polos monfortinos que a ela queren acudir. Segundo estímase as obras continuarán polo menos ata mediados de febreiro ou principios de marzo.

Na parte posterior do edificio da igrexa, os traballos prolongáronse algo máis do previsto debido ás condicións meteorolóxicas desfavorables. Selouse a gran greta existente no muro posterior do templo, cuxo orixe se atribúe ao terremoto de Lisboa de 1755, obra que xa está feita.

Queda agora a rehabilitación do pasadizo situado por detrás da igrexa que houbo de derrubarse para colocar as estadas  de grandes dimensións, que se utilizou, por unha banda, para acceder á cuberta da cabeceira da igrexa, que se renovou na zona situada entre as dúas torres.

Á vez iniciouse a restauración dun dos retablos laterais do cruceiro, concretamente o esquerdo.

O pasado luns día 29 de novembro, no marco incomparable da nosa  Pinacoteca, asinouse o Convenio entre a Fundación Colexio  Nª  Sª da Antiga e a Fundación Iberdrola, que asumirá o gasto da renovación total da iluminación de nosa Iglesia. Por este convenio a Fundación  IBERDOLA asume aprobando xa na súa xunta de padroado a renovación da iluminación da igrexa, por un montante de 90.000 €. A empresa designada por Iberdrola para realizar a intervención, é a mesma que iluminou o Museo do Prado e realizou a nova iluminación da catedral de Santiago, recentemente estreada, cun magnífico resultado. Vai crear unha Comisión de seguimento, que terá a súa primeira reunión a finais de xaneiro, e encargarase de supervisar o proxecto de iluminación, posteriormente, unha vez definido o mesmo, haberá de autorizalo a Dirección Xeral de Patrimonio da Xunta de Galicia.

Á firma do convenio asistiron as autoridades locais, o Director da Fundación Iberdrola, o Delegado de Iberdrola en Galicia, o Delegado do Goberno da Xunta en Lugo e outros membros destacados da vida de Monforte e os medios de prensa e radio de ámbito galego.