Este ano o 2025 tráenos un evento para celebrar, de carácter cultural, e do que todos habemos de estar recoñecidos e orgullosos. Trátase duns aniversarios. Nada menos que dos 400 anos que este ano 2025 cumprirá o nacemento do magnífico retablo de la Iglesia de Nª Sª da Antiga. O P. Esteban no seu libro sobre o Colexio cóntanos como naceu o noso retablo e as condicións que se estableceron con Moure para a súa realización, expresábao así:
“En canto ao retablo, foi concertado, en escritura pública de o16 de novembro de 1625, entre o Reitor do Colexio, P. Juan Antonio Velázquez, e o escultor galego Francisco Moure, que fixera anteriormente a sillería do coro do Mosteiro de Meira, varios altares e imaxes para o Mosteiro de Samos e o coro da Catedral de Lugo. A idea e o esbozo de como había de realizarse deullas o mesmo P. Juan Antonio Velázquez.
No devandito contrato establécense as condicións seguintes: 1°) enchería todo o oco do fondo; 2°) traballaría dentro do Colexio; 3°) sería axudado por seis bos oficiais; 4°) traballaría todo seguido, sen poder faltar máis que tres meses, ata concluír a obra e, por cada día que falte, ademais dos tres meses, perderá dous ducados; 5°) aos oficiais pagaráselles catro reais a fin de semana. A Moure pagaránselle ao ano 270 ducados e, ao dar concluída a obra, un escultor por parte de Moure e outro por parte do Colexio taxarían o retablo e, se vale máis do que lle pagaran durante os anos empregados, abonaranllo e, se vale menos, Moure pagará ao Colexio a diferenza. O Colexio poñerá toda a madeira, trabazón e cola….”
Non esquezas que estamos a recoller colaboracións para restaurar o Cristo de Moure
Donar
